Satlıq göz yaşları

Birinci Dünya müharibəsi başa çatdıqdan sonra Serbiyada ciddi kişi çatışmazlığı yaranır. Kəndlərdə qalan qadınlar silahlı dəstələr halında birləşərək sağ qalmış azsaylı qocaları və şikəstləri sərt nəzarətdə saxlayır, onlardan hər mənada istifadə edirlər. Bu qəribə mühitdə yaşayan Mala Boqinya və Oqnyenka adlı iki bacı isə əsl sevgi axtarışındadır.

Qızlar özlərinə həyat yoldaşı tapmaq məqsədilə doğma kəndlərini tərk edərək digər qəsəbə və şəhərlərə doğru üçgünlük səfərə çıxırlar. «Charleston & Vendetta» filmində bu səyahət bacılar üçün müxtəlif mistik hadisələr və romantik macəralarla dolu təhlükəli bir sınağa çevrilir.

2008-ci ildə Serbiya kinematoqrafçıları tərəfindən çəkilmiş bu tarixi fantastik komediyanın rejissoru Uroş Stoyanoviçdir. Baş rolları Katarina Radivoyeviç, Sonya Kolaçariç, həmçinin Stefan Kapiçiç və Nenad Yezdiç canlandırıblar.