Sehrin rəngi

Yastı Dünyanın ən böyük şəhəri Ank-Morporka İkigül adlı qəribə bir səyyah gəlir. O, bu diyarın ilk turisti olur və qorxmazlığı üzündən hər an həyatını itirmək təhlükəsi ilə üzləşir. Şəhərdə ona bələdçilik etmək vəzifəsi isə bəxti gətirməyən və olduqca qorxaq sehrbaz Rinsvində həvalə edilir.

Başına pis heç nəyin gəlməyəcəyinə inanan turist tərəddüd etmədən təhlükəli macəralara doğru addımlayır. Nəticədə iki yoldaş böyük şəhər yanğınları, əjdahanın belində uçuş və Yastı Dünyanın qırağından aşağı yuvarlanmaq kimi çətinliklərdən keçməli olur.

Böyük Britaniya istehsalı olan «Sehrin rəngi» (The Colour of Magic) filmi 2008-ci ildə rejissor Vadim Jan tərəfindən çəkilib. Ekran əsərində Devid Ceyson, Şon Estin, Tim Karri və Ceremi Ayrons baş rolları bölüşürlər.