Aşerlər evinin süqutu

Allan Aşer ailəsinə məxsus qaranlıq və kimsəsiz malikanəyə qonaq gəlir. Burada Roderik Aşer, onun günü-gündən zəifləyən xəstə xanımı Madlen və qadının həkimi yaşayır. Dağılmaqda olan bu məkanda zaman sanki dayanıb, Roderik isə həyat yoldaşının portretini çəkməyə davam edir.

Gedişat getdikcə pisləşir və baş verənlər Allanda ciddi narahatlıq doğurur. Madlenin vəfatından sonra isə qədim evdə qəribə və müəmmalı hadisələr cərəyan etməyə başlayır.

«Aşerlər evinin süqutu» adlı Fransa istehsalı filmin rejissoru Jan Epşteyndir, Luis Bunyuel isə onun assistenti qismində çalışıb. Əsas rolları Jan Debükur, Marqarit Qans, Şarl Lami və Furnes-Qoffar canlandırıb.