Möhtəşəm ruh

Gənc polis əməkdaşı Te-cin gecə klubu ilə bağlı kompromat əldə etdikdən sonra cinayətkarların qurduğu tələyə düşür. Quldurların hücumundan sonra komaya düşən oğlanın ruhu bədənindən ayrılır. Cisimsiz ruha çevrilən polis araşdırmanı tamamlamaq və sevgilisinin yanına qayıtmaq üçün yollar axtarır.

Te-cini görə və eşidə bilən yeganə şəxs onun cüdo dərnəyi işlədən qonşusu olur. Yalnız balaca qızının qayğısına qalan bu adam başqalarının işinə qarışmaqdan qətiyyətlə imtina edir. Lakin inadkar ruh yarımçıq qalmış işi sona çatdırmaq üçün qonşusunun arxasınca gəzməkdən və kömək istəməkdən əl çəkmir.

«Wonderful Ghost» filmi 2018-ci ildə Cənubi Koreyada rejissor Co Von-hi tərəfindən çəkilib. Baş rolları Ma Don-sok, Kim Yon-qvan, Li Yu-yon və Çhve Qvi-hva canlandırıblar. Ekran işi komediya, cinayət, melodram və fentezi janrlarını birləşdirir.