Gecə gözəlləri

Gənc bəstəkar Klod əyalət şəhərinin kasıb məhəlləsində çətin bir həyat sürür. O, məktəbdə nəğmə dərsi deyərək birtəhər dolanır, lakin şagirdlər ona gülür, tanışları isə sənətinə istehza ilə yanaşırlar. Üstəlik, icarə haqqı ödənilməyən pianonun səsi qonşuluqdakı emalatxananın mühərrik gurultusu altında itib-batır.

Boz reallıqdan yorulan Klod təsəllini yalnız yuxularında tapır. Gecələr o, zamanda səyahət edərək cəsur zabitə, məşhur musiqiçiyə, qılıncoynadan muşketyora və qadınların sevimlisinə çevrilir. Gündəlik həyatda ona əhəmiyyət verməyən qadınlar bu xəyallarda vurğun gözəllər qismində qarşısına çıxır və onun qəhrəmanlığını seyr edirlər.

1952-ci ildə ekranlara çıxan «Les belles de nuit» filminin quruluşçu rejissoru Rene Klerdir. Fransa və İtaliyanın birgə istehsalı olan bu musiqili fantaziya komediyasında baş rolları Jerar Filip, Martina Karol, Cina Lollobridcida və Maqali Vendeil canlandırıblar.