Tanrıların yaranışı 2: İblislər ordusu ilə döyüş

Kunlun dağının tanrıları Şan dövlətinin qətlə yetirilmiş varisini yenidən həyata qaytarır. Həmin vaxt iblis sevgilisi tərəfindən dirildilən zalım hökmdar isə ona qarşı çıxan şahzadə Czi Fanın sığındığı Siqi torpaqlarını yerlə-yeksan etmək qərarına gəlir. Ölümsüzlər tumarını qoruyan Tszyan Tszıya da məhz burada gizlənir.

Üsyançı krallığın üzərinə gənc qadın sərkərdə Den Çanyuyun başçılığı ilə böyük bir ordu göndərilir. Onlara həmçinin qarşılarına çıxan hər şeyi darmadağın etməyə hazır olan dörd nəhəng Mo qardaşları da qoşulur.

2025-ci il Çin istehsalı olan bu döyüş və fentezi filmini rejissor Uerşan ərsəyə gətirib. «Creation of the Gods» trilogiyasının davamı olan ekran əsərində əsas rolları Yuy Şi, Huan Bo, Naernaşi və Kris Fillips canlandırıb.