Siqaret çəkmək olmaz

Uğurlu iş adamı K. tütün asılılığının əsirinə çevrilib və demək olar ki, siqaretsiz bircə dəqiqə də keçirə bilmir. Bu zərərli vərdiş tədricən onun bütün həyatını alt-üst edir. Nəticədə həyat yoldaşı onu tərk edir, karyerasında isə ciddi problemlər yaranır.

Çıxış yolu axtaran K. dostu Abbasın məsləhətinə qulaq asmağa qərar verir. Abbas ona siqareti atmaq üçün tam zəmanət verən xüsusi bir laboratoriyaya müraciət etməyi təklif edir. Beləliklə, qəhrəman bu təşkilatın qeyri-adi üsullarına üz tutur.

«No Smoking» filmi 2007-ci ildə Hindistanda çəkilib və dram, detektiv həm də fentezi janrlarını birləşdirir. Ekran əsərinin rejissoru Anurag Kaşyapdır, əsas rolları isə Con Abraham, Ayeşa Takia, Pareş Raval və Ranvir Şori ifa edirlər.