Malefisenta: Zülmət Sahibəsi

Artıq böyümüş Şahzadə Avrora Şahzadə Filipin evlilik təklifini qəbul edir. Gənclər bu nikahın iki krallıq arasında sülh yaradacağına, sehrli varlıqlarla insanları barışdıracağına ürəkdən inanırlar. Lakin planlaşdırılan qovuşma böyük bir qarşıdurmanın başlanğıcına çevrilir.

Filipin valideynləri olan kral Con və kraliça İnqritlə təşkil edilən birgə şam yeməyində ciddi mübahisə yaranır. Hadisələrin gedişində kral qəfil sehrli xəstəliyə düçar olur və bütün şübhələr Avroranın xaç anasının üzərinə düşür. Belə vəziyyətdə Malefisenta sarayı tələsik tərk edərək qaçmaq məcburiyyətində qalır.

2019-cu il istehsalı olan «Maleficent: Mistress of Evil» fentezi filminin rejissoru Yoakim Rönninqdir. ABŞ istehsalı olan bu ekran əsərində baş rolları Ancelina Coli, El Fanninq, Mişel Pfayffer və Harris Dikinson canlandırıblar.