Hellboy

İkinci Dünya müharibəsi zamanı ard-arda məğlubiyyətə uğrayan nasistlər cəbhədəki vəziyyəti dəyişmək üçün gizli laboratoriyada mistik ayin icra edirlər. Onlar döyüşlərdə üstünlük qazanmaq məqsədilə yeraltı aləmdən güclü bir iblisi çağırmağa nail olurlar.

Lakin müttəfiqlərin xüsusi dəstəsi laboratoriyaya soxularaq bu qüvvəni faşistlərin özlərinə qarşı yönəldir. Açılmış qapıdan dünyaya sızan digər təhlükəli varlıqlar isə insan idarəsindən çıxır və hər kəs üçün yeni təhdidə çevrilir.

ABŞ istehsalı olan «Hellboy» filmi 2004-cü ildə ekranlara çıxıb və eyniadlı franşizanın əsasını qoyub. Rejissor Qilyermo del Toronun çəkdiyi bu fantastik döyüş filmində baş rolları Ron Perlman, Con Hört, Selma Bler və Rupert Evans ifa ediblər.