İkinci Dünya

Tibb tələbəsi Ramya riyaziyyat müəllimi Madhu Balakrişnana sevgisini etiraf edərək evlənməyi təklif edir. Madhu isə iflic olmuş atasına qulluq etdiyi üçün bu təklifi geri çevirir. Bir müddət sonra gənc qızın qayğıkeşliyini dəyərləndirən müəllim ona aşiq olur və bu dəfə özü evlilik təklifi edir. Lakin Ramyanın ailəsi artıq başqa bir namizədlə razılaşdığı üçün qız bu addımı ata bilmir.

Ramya Qoadakı tibb düşərgəsinə yollananda Madhu da onun ardınca gedir. Qızın rəsmi nişanlısı da ora gəlir və cehiz məsələsindəki narazılıq səbəbindən toydan imtina edir. Nəhayət qovuşan və gələcək quran cütlüyün xoşbəxtliyi bədbəxt hadisə nəticəsində Ramyanın həlak olması ilə yarımçıq qalır. Eyni zamanda atasını da itirən Madhu dərin kədər içində yaşayarkən atasının ruhu ilə qarşılaşır və ölümün bir illüziya olduğunu öyrənərək başqa bir aləmə yönəlir.

2013-cü il istehsalı olan bu Hindistan filminin rejissoru K. Selvaraqxavandır. Ekran əsərində baş rolları Arya, Anuşka Şetti, Caya Bhaduri və Venkatesh Harinathan canlandırıblar. Layihə macəra, döyüş və fentezi janrlarını özündə birləşdirir.