Dəlicəsinə aşiq: Müzikl

Harper Hetton bütün ömrünü musiqili tamaşalar hazırlamağa həsr edərək bu sahədə böyük təcrübə qazanıb. Uşaqlıqdan bəri rəqs etməyə və oxumağa həvəs göstərən qadın indi eyni parlaq karyeranı gənc qızı Mirabella üçün arzulayır.

Lakin premyeraya cəmi bir neçə gün qalmış qızı layihədə çıxış etməkdən boyun qaçırır. Mirabella sevgilisi Marko ilə birlikdə İtaliyaya köçməyi seçir. Harper qəbul etdiyi xüsusi içkinin təsiri ilə qəflətən gəncləşdikdən sonra hadisələrin gedişatı tamamilə dəyişir.

ABŞ istehsalı olan «Lovestruck: The Musical» filmi 2013-cü ildə işıq üzü görüb. Bu musiqili komediyanın rejissoru Sanaa Hamridir, baş rolları isə Ceyn Seymur, Sara Pekston, Çelsi Keyn və Endrü Sili canlandırıblar.