Dororo

Samuray Daiqo Kaqemitsu hakimiyyət naminə qorxunc bir addım atır: ölkəyə hökmranlıq etmək müqabilində yeni doğulmuş oğlunun qırx səkkiz bədən üzvünü iblislərə qurban verir. Axar çaya buraxılan bələkdəki körpəni Cukay adlı təbib tapır. Həkim uşağı ölümdən qurtarır, ona protezlər hazırlayır və böyüdür.

İllər keçir və böyüyən Hyakkimaru qılıncını götürərək iblislərin izinə düşür. Qəhrəman bədənini, gözlərini və qulaqlarını geri almaq üçün hər bir canavarı məhv etməlidir. «Dororo» filmində gənc döyüşçü bütöv bir insana çevrilmək üçün qırx səkkiz bədheybətlə üz-üzə gəlir.

2007-ci ildə çəkilmiş Yaponiya istehsalı olan bu fantastik macəra filminin rejissoru Akihiko Shiotadır. Baş rolları Yoshio Harada, Satoshi Hakuzen, Kou Shibasaki və Kenji Oka canlandırıblar.