Səma döyüşçüsü

Tanrılarla iblislər arasındakı qədim qarşıdurmadan on min il keçdikdən sonra köhnə bir məzarlıqda Çen Nan adlı gənc peyda olur. Onun daxilində çoxsaylı ilahi cəngavərlərin gücü gizlənsə də, qəhrəman keçmiş həyatı barədə heç nə xatırlamır. Üstəlik, yenidən qüvvə toplayan iblisə müqavimət göstərməli olduğu halda, yatmış istedadını necə oyadacağını da bilmir.

Gəncin acizliyindən istifadə edən yerli hökmdarın şıltaq qızı Çu Yuy onu əsir götürür. Hökmdar sarayına düşən Çen Nan üçün bu mühit həqiqi bir döyüşçü kimi formalaşacağı və daxili gücünü üzə çıxaracağı məkana çevrilir.

Çin istehsalı olan «Səma döyüşçüsü» fantastik döyüş filmi 2021-ci ildə rejissor Tun Xuey tərəfindən çəkilib. Ekran əsərində əsas rolları Norman Çu, Huinan Zhao, Li Minxuan və Şan Minkay ifa edirlər.