Çin kabus hekayəsi

Səyyah alim Lin gecə vaxtı sehrli bir meşəyə gəlib çıxır. O, burada Sian adlı ruh bir qızla rastlaşır. Bu təsadüfi tanışlıq qısa müddətdə onların arasında güclü bir məhəbbətin yaranmasına səbəb olur.

Lakin sevgililərin qarşısında ciddi maneələr var. Sianın qəddar müəlliməsi ruhlarla insanların yaxınlaşmasına qarşı çıxır. Linin yolda rastlaşdığı cəsur daos rahibi gənclərə dəstək olsa da, belə bir sevginin gələcəyinə inanmır.

1987-ci ildə Honkonqda çəkilmiş «Çin kabus hekayəsi» fentezi, döyüş, komediya və melodram janrlarını birləşdirir. Filmin rejissoru Toni Çindir. Baş rolları Lesli Çun, Coy Von, U Ma və Lam Vay canlandırıb.