Vacranın qəzəbi

Hadisələr 1930-cu illərdə, Qərb dövlətlərinin İkinci Dünya müharibəsinə qoşulmasından əvvəl cərəyan edir. Hərbi rəhbərliklə əməkdaşlığa başlayan «Hades məbədi» adlı yapon ölüm kultu Çin xalqının mənəvi gücünü sındırmaq tapşırığı alır.

Bu təriqətin döyüşçüləri müharibəni odlu silah olmadan qazanmağın mümkün olduğuna inanırlar. Təşkilat nümayəndələri yoxsul ailələrin uşaqlarını toplayaraq onları qəddar qatillərə çevirirlər. Ağır döyüş sənəti təlimlərindən keçən uşaqlar Yapon İmperiyasına xidmət edəcək qüvvə kimi yetişdirilir.

«The Wrath of Vajra» adlı döyüş və fentezi filmi 2013-cü ildə Çində istehsal olunub. Ekran əsərinin rejissoru Lau Vin-Çundur. Baş rolları Toni Lyu, Mett Mallinz, Yasuaki Kurata və Nam Hyon-cun canlandırıblar.