Sk+te'kmujue'katik

Mikmak xalqına mənsub olan Misel və Antle uşaqlıqda bir-birinə çox bağlı iki qardaş olublar. Lakin keçmişdə yaşadıqları travmalar və zorakılıq böyüdükcə onların arasını soyudur. Misel doğma yerləri tərk edərək şəhərə köçür, Antle isə əvvəlki icmada yaşamağa davam edir.

İllər sonra keçmişin ağrılarından yaranan bədheybət bir ruh hər iki qardaşı təqib etməyə başlayır. Qorxunc təhlükə onları köhnə inciklikləri kənara qoyaraq yenidən bir araya gəlməyə məcbur edir. Bu bəladan qurtulmaq üçün qardaşlar zaman anlayışının itdyi qədim Skte’kmucue’katik, yəni «Ruhlar məkanı» adlı meşəyə yollanırlar.

2025-ci il istehsalı olan «Sk+te'kmujue'katik» filmi qorxu, fentezi, triller və detektiv janrlarını birləşdirir. Kanada və Belçika istehsalı olan bu ekran əsərinin rejissoru Brett Hennamdır. Əsas obrazları Raven Elwell Stephens, Atuen MacIsaac, Ainsley Cope və Skyler Cope canlandırıblar.