Meymunlar Kralı Şito silsiləsində xaos yaradır

Rahib Tan Sen və yol yoldaşları Qərbə doğru uzanan səyahətləri zamanı Şito dağ silsiləsinə gəlib çatırlar. Ərazini ələ keçirmiş yerli iblislər kənd sakinlərini əsirlikdə saxlayırlar. Günahsız insanları xilas etmək qərarına gələn Sun Vukonq hərəkətə keçsə də, bədxah varlıqlar onun planını vaxtında duyurlar.

Rəqiblərinin gücünü düzgün qiymətləndirməmək və yoldaşların birgə addım ata bilməməsi fəsadsız ötüşmür. Beləliklə, qəhrəmanlar iblis hakimlərinin qurduğu hiyləgər tələyə düşürlər. Dəstə üzvləri bu çətin vəziyyətdən qurtulmağın yolunu tapmağa məcbur qalır.

2024-cü ildə təqdim olunan «Meymunlar Kralı Şito silsiləsində xaos yaradır» fentezi döyüş filmi Çin istehsalıdır. Ekran əsərinin rejissoru Qo Yulun, baş rol ifaçıları isə Frensis Çay və Se Myaodur.