Pərilərlə zarafat olmaz

Fotoqraf Çarlz Kasl sevgilisini qar fırtınasında itirdikdən sonra ağır kədər içində qalır. Yaşamaq həvəsini itirən fotoqraf cəbhəyə hərbi müxbir kimi yollanır və dəfələrlə ölümlə üz-üzə gəlir. Müharibədən qayıtdıqdan sonra o, qəribə bir qadınla qarşılaşır və onun əlindəki şəkillərdə gerçək pərilərin əks olunduğunu görür.

Kadrların saxta olmadığını aydınlaşdırmaq istəyən Çarlz Berkinvell adlı gözdən uzaq bir kəndə yollanır. İlk baxışdan sakit görünən bu məkanda nağılvari varlıqlar ətrafdakılara ölüm gətirən mistik təhlükəyə çevrilir. Qəhrəman reallıqla xəyal arasındakı sərhədi ayırd etməyə çalışaraq kəndin qaranlıq sirrinə qapılır.

Böyük Britaniya istehsalı olan «Photographing Fairies» filmi 1997-ci ildə ekranlara çıxıb. Fentezi və dram janrındakı bu detektiv filminin rejissoru Nik Uillinqdir. Əsas rolları Reyçel Şelli, Hovard Li, Emili Vuf və Donald Duqlas canlandırıb.