Salam, ana

Xiaolin uşaqlıqdan bəri təhsildə böyük uğurlar qazanmır və anasına tez-tez çətin anlar yaşadır. Valideynini sevindirmək istəyən gənc qız universitetə qəbul haqqında saxta sənəd düzəldir. Lakin bu yalan ailə məclisində qohumların gözü qarşısında üzə çıxır və böyük rüsvayçılığa səbəb olur. Həmin gün evə qayıdarkən baş verən avtomobil qəzasından sonra Xiaolin müəmmalı şəkildə keçmişə düşür.

Qız hələ özü doğulmadığı bir dövrə, 1981-ci ilə qayıdaraq valideynlərinin gənclik illəri ilə qarşılaşır. Doğmalarını cavan və gümrah görən qəhrəman anasının həyatını yaxşılaşdırmaq və onu daha xoşbəxt etmək üçün əlindən gələni etməyə qərar verir. Beləliklə, o, anasının taleyini dəyişmək üçün keçmişin hadisələrinə qarışır.

Komediya, dram və fentezi janrlarını birləşdirən «Salam, ana» filmi 2021-ci ildə Çində ekranlara çıxıb. Layihənin rejissoru Jia Lingdir. Baş rolları Qiao Shan, Wang Lin, Pan Binlong və Michael Chen canlandırıb.