Gencinin hekayəsi

Kiotonun kübar cəmiyyəti imperatorun oğlu Gencinin cazibəsinə və yaraşığına heyranlıq duyur. Saray əyanları arasında böyük nüfuz qazanan bu gənc zadəgan zahirən hər şeyə sahib kimi görünür. Lakin onun qəlbində heç kimə aça bilmədiyi, qarşısıalınmaz bir arzu kök salıb.

Gencinin bütün diqqəti öz atasının gənc və gözəl nişanlısına yönəlib. Heç vaxt qovuşa bilməyəcəyi bu qadına bəslədiyi meyil gənci daxili təlatümlərə sürükləyir. Qadağan olunmuş hisslərini cilovlaya bilməyən şahzadə əlçatmaz sevgisinin arxasınca getməyə davam edir.

«Genji monogatari: Sennen no nazo» adlı Yaponiya istehsalı olan fentezi dramı 2011-ci ildə ekranlara çıxıb. Filmin quruluşçu rejissoru Yasuo Tsuruhashidir. Baş rolları Toma Ikuta, Sei Ashina, Misako Renbutsu və Yasunari Takeshima canlandırıblar.