Magistral 60

Nil Oliver kənardan hər şeyə sahib kimi görünür, lakin gələcəyini müstəqil şəkildə seçə bilmir. Valideynləri onun nüfuzlu təhsil alıb hüquqşünas olmasını istəyir, gəncin arzusu isə rəssamlıqdır. Ailəsinə etiraz etməkdən çəkinən Nili həm də yuxularına girən naməlum qızın xəyalı rahat buraxmır.

Rey adlı sirli bir şəxsin təklifi onun həyatını gözlənilməz istiqamətə yönəldir. Nil ABŞ-ın heç bir xəritəsində göstərilməyən 60 nömrəli magistral yolu ilə bağlama çatdırmağı öhdəsinə götürür. Səfər zamanı o, qəribə xasiyyətli O. V. Qrantla rastlaşır və yuxularındakı qadını tapmaq ümidi ilə macəralı bir səyahətə çıxır.

2001-ci ildə ekranlara çıxan «Magistral 60» filminin rejissoru Bob Qeyldir. ABŞ və Kanada istehsalı olan bu fantastik hekayədə əsas rolları Ceyms Marsden, Qari Oldman, Emi Smart və Kris Kuper canlandırıblar.