Qərbə səyahət: İblislər

Buddist rahib Tan Satszan yol yoldaşları ilə birlikdə müqəddəs mətnləri tapmaq üçün uzun səfərini davam etdirir. Rahib yuxularında ilahi varlıqlardan mükafat aldığını görsə də, reallıq tamamilə başqadır. Qarınlarını doyurmaq üçün qəribə dəstə bazar meydanlarında sadə xalqı əyləndirməli olur, rahib isə bu vaxt Meymunlar Padşahının kəndlilərə zərər yetirməməsinə nəzarət edir.

Rahiblə inadkar köməkçisi arasındakı münasibət qarşılıqlı şantaj və təhdidlər üzərində qurulub. Lakin kənarda pusqu quran hiyləgər iblislər daim səyyahlara hücum etməyə hazır vəziyyətdə gözləyir. Məhz buna görə rahib, Meymunlar Padşahı, qaban və çay əjdahası bütün ziddiyyətlərə baxmayaraq, bir yerdə qalmağa məcburdurlar.

«Qərbə səyahət: İblislər» adlı fantastik macəra filmi 2017-ci ildə Çində istehsal olunub. Komediya elementləri ilə zəngin olan ekran əsərinin rejissoru Tsuy Harkdır. Əsas rollarda Çen Şihan, Yao Çen, Menghe Batır və Xuan Yunxuey çəkiliblər.