Kölgələr cəngavəri

Sehrbaz Pu Sunlin başqa aləmlərdən gələn ifritələri və cadugərləri ovlamaqla məşğuldur. O, dağın zirvəsindəki sığınacağında şən qoblinlərdən ibarət köməkçiləri ilə birgə yaşayır. Qiymətli daş-qaşları oğurlayan cinayətkarın axtarışı zamanı Pu gözlənilmədən çox güclü bir düşmənlə üzləşir.

Qarşılaşdığı qüdrətli ifritə və onun bacısı gənc qızlara əbədi gözəllik vəd edərək onların ruhları ilə qidalanır. Bu təhlükəli qarşıdurma baş qəhrəmanı qorxutsa da, o, başladığı işi yarımçıq qoymaq fikrində deyil və pisliyə qarşı mübarizəyə qoşulur.

2019-cu ildə Çində çəkilmiş «Kölgələr cəngavəri» filmi fentezi və döyüş elementlərini birləşdirir. Ekran əsərinin rejissoru Yan Tszya, əsas rolların ifaçıları isə Yuen Kin-Tan, Etan Juan, Lin Pen və Tsyao Şandır.