Qələbə sehri

Kainat beş təbii ünsürün — metal, ağac, su, od və torpağın harmoniyası üzərində qurulub. Universitet professoru Hun Sum-Kvay su magiyasına dərindən bələddir, lakin bacarığını hər kəsdən gizli saxlayır. Gözlənilməz bir hadisə nəticəsində onun sehrli gücü tələbə qız Meysiyə keçir və gəncin həyatı tamamilə dəyişir.

Eyni zamanda od cadugəri But Ye-Mo zamanda səyahət etməyin yolunu kəşf edir. O, keçmişi dəyişərək beş elementin hamısına sahiblənməyə can atır. Torpaq sehrbazı Lin Fun bu təhlükəli niyyətə qarşı çıxır və digər sehrbazları xəbərdar etmək istəyir. Kitabxanada baş verən sehrli toqquşmada ağır xəsarət alan Lin yaddaşını itirərək gözəgörünməz varlığa çevrilir.

«Qələbə sehri» (Hoi sum moh fat) adlı komediya və döyüş elementli fentezi filmi 2011-ci ildə Çin və Honkonq tərəfindən istehsal olunub. Ekran əsərinin quruluşçu rejissoru Uilson İpdir. Baş rolları Reymond Von, Say-Vinq Yip, U Çun və Karena Nq canlandırıblar.