İblisin lənəti

Bədənində qəddar ruh daşıyan Sao və albinos olan dostu Klaud cəmiyyətdən fərqlənsələr də, bir-birlərinə dayaq olurlar. Yaşadıqları kənddə qorxunc və müəmmalı hadisələr baş qaldırdıqda yerli camaat təşvişə düşür. Beləliklə, gənclərin sakit münasibəti ciddi sınaq qarşısında qalır.

Sakinlər dəhşətli varlığı aradan qaldırmaq üçün öz qaranlıq sirri olan peşəkar canavar ovçusunu kəndə dəvət edirlər. Klaud Saonu təhlükədən qorumaq üçün yollar axtarır. Lakin qızın içindəki ifritə qana susayır, ovçu isə artıq addım-addım onların izinə düşür.

Fentezi, dram və qorxu janrlarını birləşdirən «Sang krasue 2» filmi 2023-cü ildə Tailandda çəkilib. Ekran əsərinin quruluşçu rejissoru Paphanqkorn Punçantarakdır. Baş rolları Çanya Makklori, Kritsanapum Pibulsonqqram, Pol Spurye və Krissada Sukosol Klapp paylaşıblar.