Rang Zong

Sənədli film çəkən bir qrup Tailandın İsan bölgəsinə gələrək yerli şaman Nim haqqında lent hazırlamağa başlayır. Qadın ailəsinin qədimdən bəri yerli tanrının seçdiyi bir nəsildən olduğunu bildirir. Vaxtilə bacısı bu qeyri-adi missiyanı qəbul etmədiyindən, ilahi qüvvə Nimə keçib. Həmin vaxtdan bəri o, kənd sakinlərinin ruhi xəstəliklərini sağaltmaqla məşğul olur.

Bacısının ərinin qəfil dünyasını dəyişməsi vəziyyəti dəyişir. Dəfn mərasiminə qatılan Nim bacısı qızı Minin davranışlarında qəribə hallar müşahidə edir. Qızın getdikcə aqressivləşməsi və anlaşılmaz hərəkətləri şamanı narahat edir, o isə qohumunun başına gələnləri anlamağa çalışır.

Qorxu və fentezi janrında çəkilmiş «Rang Zong» filmi 2021-ci ildə nümayiş olunub. Cənubi Koreya və Tailandın ortaq istehsalı olan bu layihənin rejissoru Banyong Pisanthanakundur. Əsas obrazları Savani Utumma, Prapruettham Khumchat, Boonsong Nakphoo və Yasaka Chaisorn canlandırıb.