İtirilmiş talisman

Nüfuzlu şamanın nəvəsi olan doktor Çhon mistik qüvvələrə inanmır və internetdə populyar kanal idarə edir. O, insanların problemlərini psixoloji narahatlıq hesab edərək köməkçisi ilə birlikdə müştərilər üçün saxta cinçıxarma ayinləri təşkil edir.

Böyük məbləğdə qonorar təklifindən sonra fırıldaqçıların fəaliyyəti gözlənilməz istiqamət alır. Onlar bacısının dediyinə görə bəd ruhun əsirinə çevrilmiş balaca qızı xilas etməyə razılaşırlar. Bu dəfə doktor Çhon uydurma kabuslarla deyil, gerçək demonla üz-üzə qalır.

Cənubi Koreya istehsalı olan «İtirilmiş talisman» komediya, döyüş və fentezi janrlarını birləşdirir. 2023-cü ilin filmini rejissor Kim Son-şik ərsəyə gətirib, əsas obrazları isə Mun Son-hyon, Li Bo-ram, Kim Von-he və Çon So-hyon canlandırıb.