Spawn

Xüsusi təyinatlı hərbçi El Simmons növbəti tapşırıq zamanı öz rəisi tərəfindən qətlə yetirilir. Ölümündən sonra ərafda olan keçmiş döyüşçü İblislə razılaşmaya gedir. Qaranlıq qüvvələrin rəhbəri həyat yoldaşını yenidən görmək istəyən Simmonsa xüsusi zireh, silah və fövqəltəbii güc verir, əvəzində isə Şər ordusunun Yer üzünə gəlişinə yol açmasını tələb edir.

Canlılar aləminə qayıtdıqdan sonra Simmons qaranlıq tərəfin əmrlərinə tabe olmaqdan imtina edir. O, bağlanmış müqaviləni birtərəfli qaydada pozur və Şərin planlarına qarşı təkbaşına mübarizəyə başlayır.

1997-ci il istehsalı olan «Spawn» filminin rejissoru Mark A.Z. Dippedir. ABŞ istehsalı olan bu fantastik döyüş filmində əsas rolları Maykl Cey Uayt, Martin Şin, Miko Hyuz və Con Koyama ifa ediblər.