Son döyüş

Yer sakinlərinin məskunlaşdığı uzaq bir planetdə iki fərqli koloniya yaranır. Çox keçmədən bu iki düşərgə arasında yüz il davam edən qanlı müharibə başlayır. Nəsildən-nəslə ötürülən nifrət səbəbindən yeni doğulanlar bu qanlı qarşıdurmanın əsl səbəbini və onu kimin başlatdığını belə xatırlamır.

Ölümcül silahların kölgəsində qalan planet böyük bir xaosun içinə yuvarlanır. Gənclərin kütləvi şəkildə həlak olduğu bu toqquşmanı dayandırmaq üçün bütün dünyanı təhdid edən bu mübarizənin başında kimin dayandığı üzə çıxmalıdır. Bu sirrin açılması insanları tamamilə məhv olmaq təhlükəsindən qoruya bilər.

ABŞ istehsalı olan «Son döyüş» (For the Cause) elmi-fantastik filmi 2000-ci ildə ekranlara çıxıb. Ekran əsərinin rejissorları Devid Duqlas və Tim Duqlasdır. Baş rolları Kristina Krasteva, Liza Foster, Codi Byanka Uayz və Violeta Markovska canlandırıblar.