Qoblilər

İllər əvvəl satanist sektası bir körpəni qurban verməyə çalışarkən ananın etirazı ilə qarşılaşır və rəhbər uşağa toxunmur. Lakin qadının özü çağırılan kiçik yırtıcı məxluqların qurbanı olur. Zaman keçir, həmin uşaq böyüyərək sevgilisi ilə birlikdə ona miras qalmış qədim malikanəyə köçür. Evin zirzəmisində sehrli kitab tapan gənc təsadüfən eyni alçaqboylu demonları azadlığa buraxır.

Şər qüvvələrin təsirinə düşən ev sahibi universitet yoldaşlarını qonaqlığa çağırır. Ziyafət zamanı gənclər əyləncə üçün ruh çağırma ayini keçirirlər. İlk baxışdan heç nə baş vermir və hamı dağılışır, lakin dərhal sonra yırtıcı canlılar hücuma keçir. Eyni zamanda malikanənin sahibi də qonaqlardan birini qurban vermək fikrinə düşür.

ABŞ istehsalı olan «Qoblilər» qorxu və komediya filmi 1984-cü ildə rejissor Luka Berkoviçi tərəfindən çəkilib. Baş rollarda Piter Lyapis, Liza Pelikan, Tamara De Tro və Marişka Xargitey çəkiliblər.