Strigoi

İtaliyada məskunlaşa bilməyən Vlad babasının yanına, Rumıniyadakı doğma kəndinə qayıtmaq qərarına gəlir. Gənc oğlan burada çox içki içən yaşlı kənd sakininin müəmmalı ölümündən xəbər tutur və bu hadisəni araşdırmağa başlayır.

İstintaq izləri onu keçmiş kommunist Konstantin Tireskuya doğru aparır. Varlı torpaq sahibi ilə qarşılaşan Vlad tezliklə anlayır ki, bu nüfuzlu şəxs və onun həyat yoldaşı əsl qaniçən varlıqlara, yəni vampirlərə çevriliblər.

Böyük Britaniya istehsalı olan «Strigoi» filmi qorxu və komediya janrlarını birləşdirir. 2009-cu ildə rejissor Fey Cekson tərəfindən çəkilmiş ekran əsərində baş rolları Nicolae-Catalin Gheorghe, Roksana Quttman, Adrian Donea və Konstantin Barbulesku canlandırıb.