Hundra

Yad qəbilənin qəfil basqınından sonra döyüşçü qadınların məskənindən yalnız bircə nəfər sağ çıxır. Tək qalan Hundra yol göstərməsi üçün qoca bir tərkidünyanın yanına üz tutur. Müdrik qadın isə intiqam almaq əvəzinə, ona qəbiləni yenidən dirçəltmək üçün gələcək övladına ata tapmağı tapşırır.

Kişilərin yalnız qadınlar üzərində hökmranlıq etməyə çalışdığı bir mühitdə bu vəzifəni yerinə yetirmək asan olmur. Uzun axtarışlar döyüşçünü vaxtilə onun xalqının məhvinə fərman vermiş ali kahin Nepakinin idarə etdiyi şəhərə gətirib çıxarır. Həmin şəhərin baş məbədinə isə hər ay xidmət üçün ən gözəl gənc qızlar zorla gətirilir.

1983-cü ildə istehsal olunmuş «Hundra» macəra və fentezi filminin rejissoru Mett Simberdir. ABŞ, İspaniya və İtaliyanın birgə layihəsi olan bu ekran əsərində Devora Howie, Mario De Barrios, Con F. Qoff və Fernando Martines kimi aktyorlar çəkiliblər.