Darvaza 2: Sərhədi pozanlar

Demonlar dünyasına açılan quyunun tapılmasından beş il ötür. Bu müddət ərzində Terrinin həyatı tamamilə dəyişib: dostları köçüb gedib, anası dünyasını dəyişib, işsiz qalan atası isə spirtli içkilərə qurşanıb. Ailəsinin vəziyyətini düzəltmək və atasına işini qaytarmaq istəyən gənc qaranlıq qüvvələrdən kömək ummağa qərar verir. O, Glenin tərk edilmiş evinə gedərək seans təşkil edir və o biri dünyadan bir məxluqu çağırır.

Ritualın gedişində binaya gözlənilmədən iki oğlan və bir qızdan ibarət yad dəstə daxil olur. Şahid olduqları varlıqdan təşvişə düşən gənclərdən biri tapançadan atəş açaraq demonu vurur. Yıxılıb hərəkətsiz qalan məxluq bir müddət sonra yenidən dirilir və hadisələr gözlənilməz istiqamət alır.

«Darvaza 2: Sərhədi pozanlar» qorxu, fentezi və komediya janrlarında çəkilmiş 1990-cı il Kanada istehsalı olan filmdir. Rejissoru Tibor Takaç olan ekran əsərində əsas rolları Todd Postlueyt, Nil Munro və Karl Kreyns ifa edir.