Tələbə ruhu

Billi Betson sevgilisi ilə romantik görüşə tələsir. Qarşıdakı gecə üçün qoruyucu vasitəsinin olmadığını anlayan gənc yolüstü bir yeməkxanaya dönür və axtardığını tapır. Lakin geriyə qayıdarkən yüksək sürətlə yük maşınına çırpılır və yerindəcə həyatını itirir.

Səmada ona ikinci şans verilir: Billi sevdiyi qızla görüşüb gecəni keçirə bilsin deyə yer üzünə ruh cildində göndərilir. Gözəgörünməz olan gənc ağlına belə gəlməyən fürsətlər əldə edir. O, qızların soyunub-giyinmə otağına boylanır və vəziyyətdən istifadə edərək müxtəlif dəcəlliklər törətməyə başlayır.

Fentezi və komediya janrında çəkilmiş «School Spirit» filminin rejissoru Alan Hollebdir. ABŞ istehsalı olan bu 1985-ci il filminin baş rollarında Bekki LeBo, Larri Linvill, Ceff Esko və Maykl Miller çəkiliblər.