Troll

Ailə San-Fransiskodakı yeni mənzilə köçdükdən dərhal sonra qəribə hadisələrlə qarşılaşır. Qədim lənət nəticəsində bədheybətə çevrilmiş bir kral insan cildinə qayıtmağın yollarını axtarır. O, planını gerçəkləşdirmək üçün ailənin kiçik qızı Vendinin bədənini ələ keçirir.

Bacısının dəyişdiyini ilk görən böyük qardaşı Harri olur. Qızın daxilindəki qaranlıq varlığı hiss edən Harri ona kömək etməyə çalışır. Bu çətin vəziyyətdə onun köməyinə qonşuluqda yaşayan və cadugərlik sirlərinə bələd olan sirli qadın çatır.

«Troll» filmi rejissor Con Karl Bükler tərəfindən çəkilib və 1986-cı ildə ABŞ-da istehsal olunub. Qorxu, komediya və fentezi janrlarını birləşdirən ekran əsərində Deyl Uayatt, Çarlz Bend, Enn Lokhart və Fil Fondakaro kimi aktyorlar çəkilib.