Gəlinciklərin hökmdarı

Aleks Uittaker və daha üç ekstrasens əbədi həyatın sirrini tapmaq üçün araşdırmaya başlayırlar. Şayiələrə görə, gəlincik ustası Andre Tulon qədim Misir mumiyalama üsulundan istifadə edərək cansız əşyalara ruh verməyi bacarıb. İllər öncə onun canlandırdığı beş kiçik fiqur amansız qatillərə çevrilib.

Tulonun bu varlıqları yalnız insanları məhv etmək və işgəncə vermək üçün proqramlaşdırılıb. Onların arasında başları qazma ilə dələn Buraçı, güclü əlləri ilə boğan Pinhed və qan sovuran zəlilər qusan fiqur var. Əlləri yerində bıçaq və qarmaq olan Ülgüc ilə ağlasığmaz dərəcədə amansız Təlxək ustanın gizli sirrini kənar şəxslərdən qorumaq üçün hərəkətə keçir.

1989-cu ildə ABŞ-da istehsal olunmuş «Puppet Master» filminin rejissoru Devid Şmöllerdir. Əsas rolları Piter Frenklend, Ketrin O’Reyli, Bert Rosario və Barbara Krempton canlandırıb. Bu lent eyniadlı qorxu filmləri franşizasının ilk hissəsidir.