Hideaway

Bir ailədə oğul öz anasını və bacısını qətlə yetirir. Eyni vaxtda başqa bir ailə başçısı avtomobil qəzasında həyatını itirir, lakin həkimlər ölüləri diriltməyin yolunu taparaq onu həyata qaytarırlar. Bu hadisələrin ardınca qurbanlar və dirilən şəxs arasında qeyri-adi mistik əlaqə yaranır.

Baş verənlərin sirri qorxulu və qaranlıq bir sığınacaqda gizlənir. «Hideaway» filmi dirilmə ilə başlayan bu sirli hadisələrin arxasında şər qüvvələrin dayandığını göstərir.

1995-ci ildə ABŞ və Kanada istehsalı olan ekran işinə Brett Leonard rejissorluq edib. Əsas rolları Ceff Qoldblyum, Alisiya Silverstoun, Kennet Uelş və Ayris Kuinn canlandırıblar.