Zirzəmi sakini

Dəhşət komiksləri çəkən Kolin Çildress zirzəmidə işləyərkən pentaqramlı qədim kitaba baxaraq real dünyaya nəhəng bir bədheybət çağırır. Məxluqu məhv etmək üçün rəssam bütün rəsmlərini yandırmağa qərar verir. Nəticədə canavar yox olur, lakin alov Çildressin öz həyatına da son qoyur.

Otuz il sonra bu evə Kolinin sənətinə heyran olan gənc rəssam Uitni Teylor gəlir. O, evin sahibi xanım Briqqsdən rəsmlərini məhz həmin zirzəmidə çəkmək üçün icazə alır. Qaranlıq otaqda qədim kitabı tapan Uitni sələfinin etdiyi səhvi təkrarlayır və bədheybəti yenidən azadlığa buraxaraq evdəkilərin həyatını təhlükəyə atır.

ABŞ istehsalı olan «Cellar Dweller» qorxu filmi 1987-ci ildə rejissor Con Karl Büxler tərəfindən çəkilib. Baş rollarda Debra Farentino, İvonn De Karlo, Ceffri Kombs və Şeril Enn Uilson çıxış edirlər.