Qəfildən Yenidən On Yeddi

Lian Sya və Mao Lyan artıq on ildir ki, birlikdədirlər və bu müddətin son beş ilini eyni kirayə mənzildə keçiriblər. Qız vəd edilən evlilik təklifini gözlədiyi bir vaxtda sevgilisi münasibətlərə son qoymaq qərarına gəlir. Kədər içində olan Lian Sya sehirli bir konfet yeyir və bu konfet onun yaddaşından son on ilin bütün təcrübəsini silir.

Daxilən yenidən on yeddi yaşına qayıdan gənc qadın ətraf aləmi parlaq rənglərlə görməyə başlayır. Mao Lyan artıq onun gözündə heç bir uğuru olmayan sıradan birinə çevrilir. Həmin ərəfədə isə onun qarşısına tamamilə yeni və yaraşıqlı bir gənc çıxır.

«Qəfildən Yenidən On Yeddi» adlı Çin istehsalı olan melodram və fentezi filmi 2015-ci ildə ekranlara çıxıb. Rejissoru Çjan Mo olan ekran əsərində baş rolları Ni Ni, Darren Van, Ma Su və Uolles Ho canlandırıblar.