Üstdəki qadın

İzabella Oliveyra və yaraşıqlı əri Toninyo Braziliyanın Baiya ştatında çiçəklənən restorana rəhbərlik edirdilər. Lakin qəhrəman ərini başqa bir qadınla yaxaladıqdan sonra ailə səadəti darmadağın olur. Xəyanəti bağışlaya bilməyən İzabella vətənini tərk etmək qərarına gəlir.

Yeni iş və başqa bir həyat axtarışında olan qadın San-Fransiskoya yola düşür. Mətbəx sirlərinə dərindən bələd olması və nadir kulinariya bacarığı sayəsində o, yad şəhərdə tez bir zamanda diqqəti cəlb edir. Çox keçmədən İzabella məşhur televiziya kulinariya şousunun simasına çevrilir.

«Woman on Top» filmi 2000-ci ildə ABŞ-da rejissor Fina Torres tərəfindən ekranlaşdırılıb. Melodram, komediya və fentezi janrlarını birləşdirən ekran əsərində baş rolları Penelopa Kruz, Murilu Benisiu, Harold Perrino və Con de Lansi canlandırıblar.