Arlekin

Nüfuzlu senator Nik Rastın azyaşlı oğlu leykemiya xəstəliyindən əziyyət çəkir və həkimlər onun bir neçə günlük ömrü qaldığını bildirirlər. Bu ağır günlərdə ailənin qarşısına qeyri-adi bacarıqlara malik Qreqori Vulf adlı müəmmalı bir adam çıxır. Onun gəlişindən dərhal sonra ölüm ayağında olan uşaq heyrətamiz şəkildə sağalmağa başlayır.

Övladının dirçəldiyini görən ana xilaskara dərin minnətdarlıq bəsləyir. Lakin qubernatorluq postuna can atan senator tamamilə fərqli düşüncədədir. O, bu sirli şəxsin siyasi karyerasına mane olacağından ehtiyat edir və ondan birdəfəlik yaxa qurtarmaq qərarına gəlir.

Avstraliya istehsalı olan «Harlequin» filmi 1980-ci ildə rejissor Saymon Uinser tərəfindən ekranlaşdırılıb. Əsas rolları Robert Pauell, Moris Oqden, Qas Mörkuryo və Lesli Rayt canlandırıblar.