Vikinq Erik

Qədim şimal əfsanələrinə görə, nəhəng qurd Fenrir Günəşi udub və yer üzü Böyük Qışın soyuğuna qərq olub. İşıqsız qalan insanlar mənasız qırğınlara başlayıblar və bu müharibələr bütün dünyanı məhv olmaq təhlükəsi ilə üz-üzə qoyub.

Bu qanlı qarşıdurmaları dayandırmağın yeganə yolu tanrıları yuxudan oyatmaqdır. Yalnız səma işığını geri qaytarmaqla yer üzünə dincliyi gətirmək olar. «Erik the Viking» macəra filmi məhz bu qədim rəvayət ətrafında cərəyan edən hadisələri əks etdirir.

Böyük Britaniya və İsveç kinematoqrafçılarının birgə istehsalı olan bu komediya 1989-cu ildə ekranlara çıxıb. Ekran əsərinin quruluşçu rejissoru Terri Consdur, əsas rolları isə Tilli Vosberq, Cim Karter, Çarlz Saymon və Denni Şiller ifa ediblər.