İtirilmiş torpaqlarda

Köhnə texnoloji sivilizasiyanın süqutundan sonra dünya yenidən sehr və canavarların hökmranlığı altına keçir. Yer üzündə salamat qalmış sonuncu şəhərin kraliçası Boz Elis adlı ifritəyə gizli bir tapşırıq verir. Qadın qorunan divarları tərk edərək naməlum və təhlükəli İtirilmiş torpaqlara yollanır.

Səfərdə Elisi Boys adlı bələdçi müşayiət edir. Onlar bütöv ay doğana qədər insanı vəhşi yırtıcıya çevirmək gücünə malik sirli qüvvə mənbəyini tapmalıdırlar. Qaranlıq məxluqların pusquda durduğu bu yolda qəhrəmanların arxasınca amansız səlibçilər ordusu da düşür.

«İtirilmiş torpaqlarda» (In the Lost Lands) macəra və döyüş filminin rejissoru Pol U. S. Andersondur. ABŞ və Almaniyanın birgə istehsalı olan layihə 2024-cü ildə təqdim edilib və baş rollardan birini Deyv Batista canlandırır.