Qulyabanilərin toyu

XVIII əsrdə Riçard Benkroft adlı gənc ingilis ticarət məsələləri ilə məşğul olan əmisi ilə birlikdə Praqaya yollanır. Cəngavər romanları oxuyaraq böyüyən gənc şücaət göstərmək və romantik hisslər yaşamaq arzusundadır. Yolüstü karvansaralardan birində o, qraf Kronberqə təsadüfən kömək edir və onun yanındakı gözəl qadını görərək dərhal ona aşiq olur. Lakin tanışlığın qısa çəkməsi səbəbindən Riçard hətta bu xanımın adını belə öyrənə bilmir.

Praqaya çatdıqdan sonra gənc oğlan Kronberqlərin malikanəsini tapır və sevdiyi qadınla yenidən görüşməyə nail olur. Qrafinya Oliviyanın da ona qarşı biganə qalmadığı aydınlaşır. Lakin birlikdə keçirilən gecənin səhəri Riçard boynunda qan izləri və xarakterik dişləmə yerləri aşkar edir. Aşiq olduğu cazibədar qadının əslində vampir olduğunu anlayan oğlan çıxılmaz vəziyyətlə üz-üzə qalır.

«Qulyabanilərin toyu» filmi komediya, fentezi, melodram və qorxu janrlarını özündə birləşdirir. Çexiya istehsalı olan bu ekran əsəri 1993-cü ildə rejissor Yaroslav Soukup tərəfindən çəkilib. Əsas rolları Yan Preutsil, Nelli Qayerova, Simona Vrbitska və Pavel Skripal canlandırıblar.