Needful Things

Kasl-Rok şəhərində qəribə bir dükanın qapılarını açması yerli sakinlərin sakitliyini pozur. Bu məkanda hər kəs arzuladığı əşyanı dəyərindən yarıqiymətə əldə edə bilir. Lakin satıcı qiymətin qalan hissəsi əvəzinə pul deyil, alıcıdan qonşusuna və ya tanışına qarşı bəd əməl törətməyi tələb edir.

Qısa müddət sonra bu sövdələşmələr şəhəri xaosa sürükləyir. Əhali bir-birinə qarşı qisas almağa başlayır, küçələrdə davalar, partlayışlar və qətllər baş alıb gedir. Dükandakı sirli tacirin təsirinə düşməyən və oradan heç nə almayan yeganə şəxs isə yerli şerif olur.

«Needful Things» filmi qorxu, triller və dram elementlərini özündə birləşdirir. Ekran əsəri 1993-cü ildə rejissor Freyzer Klark Heston tərəfindən ABŞ və Kanada istehsalı olaraq çəkilib.