Kağız ev

On bir yaşlı Anna ətrafındakılarla ünsiyyət qurmaqda çətinlik çəkir, özünü tənha və anlaşılmaz hiss edir. Bir gün o fərqinə varır ki, vərəqdə çəkdiyi kiçik ev hər gecə yuxularında canlanır. Rəsminə yeni detallar əlavə etməklə yuxularını dəyişə bildiyini anlayan qızcığaz, gözlərini yuman kimi daxil ola bildiyi şəxsi xəyali aləminin sahibinə çevrilir.

Lakin çox keçmir ki, gerçək həyatla bu çəkilmiş məkan arasında qəribə bir əlaqə yaranır. Kağız üzərindəki dünya tədricən Annanın düşüncələrinə hakim kəsilərək onu məhv etmək təhlükəsi yaradır. Reallıqla xəyal arasındakı zəif sərhəd itir və qorxulu yuxular uşağı çıxılmaz bir tələyə salır.

1988-ci ildə ekranlara çıxmış Böyük Britaniya istehsalı olan «Paperhouse» fentezi-dram filminin rejissoru Bernard Rouzdur. Ekran əsərində rolları Barbara Keoq, Karen Qledhill, Stiv O’Donnell və Ceyn Bertiş ifa ediblər.