Gecə xalqı

Psixiatr Deker pasiyenti Bunu bir sıra qəddar cinayətləri törətməkdə təqsirli olduğuna inandırır. Vicdan əzabı çəkən gənc əfv və qurtuluş tapmaq ümidi ilə qaçaqların sığındığı əfsanəvi Midian yeraltı şəhərinə üz tutur. Məlum olur ki, bu gizli məkanda gün işığından və insanlardan qaçan, görkəmini dəyişə bilən qədim mutantlar nəsli yaşayır.

Qəribə sakinlər tərəfindən qəbul edilən Bun bundan sonra Midianın təhlükəsizliyini hər şeydən üstün tutmaq məcburiyyətində qalır. O, həmçinin onu sevən və axtaran Lorini birdəfəlik unutmalıdır. Qız gəncin izinə düşdüyü vaxt onun arxasınca həm polis, həm də gecə xalqını tamamilə məhv etmək istəyən doktor Deker irəliləyir.

«Nightbreed» qorxu və fentezi filmi 1990-cı ildə ABŞ, Böyük Britaniya və Kanada kinematoqrafçıları tərəfindən birgə istehsal olunub. Ekran əsərinin rejissoru Klayv Barkerdir. Baş rolları David Young, Toni Bluto, Pol Cons və Çarlz Badikom canlandırıb.