Qotika

1816-cı ildə bir villada qeyri-adi bir məclis toplanır. Qonaqlar arasında Lord Bayron, şair Persi Bişi Şelli, onun nişanlısı Meri Şelli, Merinin ögey bacısı Kler və həkim Polidori var. Sərxoşluq, tiryək və həyatın yeknəsəkliyi onları qəribə bir sınağa sövq edir: hər kəs şüuraltında gizlənən ən dərin qorxuları üzə çıxarmağa çalışır.

Bu cəsarətli addım onların daxili dünyasını alt-üst edir və qaranlıq təxəyyüllərini hərəkətə gətirir. Nəticədə daxildən gələn dəhşətlər yeni hekayələrin əsasını qoyur: Meri Şelli doktor Viktor Frankenşteyn obrazını düşünür, Polidori isə vampirlər haqqında əfsanənin təməlini atır.

Böyük Britaniya istehsalı olan «Gothic» qorxu və dram filmini 1986-cı ildə rejissor Ken Rassel çəkib. Ekran əsərində əsas rolları Culian Sends, Timoti Spoll, Dekster Fletçer və Kris Çappel canlandırıblar.