Qurdlar əhatəsində

Gənc Rozalin bacısının vəhşi canavar tərəfindən qətlə yetirilməsinə şahid olduqdan sonra sarsıntı keçirir. O, sıx meşənin dərinliyində tənha yaşayan nənəsinin evinə sığınır. Nənəsi qıza daim qorxulu rəvayətlər danışır; bu hekayələr çatmaqaşlı və parıldayan gözlü yad kişilərə bağlanan qızlardan, eləcə də bədirlənmiş ay zamanı qurd ulamaları altında yoxa çıxan insanlardan bəhs edir.

Bir gün dar meşə cığırında addımlayan Rozalin yaraşıqlı bir ovçu ilə qarşılaşır. Gəncin xarici görünüşünə valeh olan qız nənəsinin xəbərdarlıqlarına məhəl qoymur və oğlanın qaşlarının bitişik olduğunu vaxtında fərq etmir.

1984-cü ildə Böyük Britaniyada lentə alınmış «The Company of Wolves» filminin rejissoru Nil Cordandır. Qorxu, dram və fentezi janrlarını birləşdirən bu ekran əsərində Cim Karter, Cimmi Qardner, Doun Arçibald və Stiven Ri kimi aktyorlar çəkiliblər.