Karpat qəsrinin sirri

Gənc qraf Teleke nişanlısı, tanınmış opera müğənnisi Salza Verdenin itkisindən sonra kədərini unutmaq üçün dağlara yola düşür. Səfərdə kübar zadəganı sadiq xidmətçisi müşayiət edir. Onlar sakit bir mühitdə vaxt keçirməyi və baş verən faciəni geridə qoymağı planlaşdırırlar.

Lakin qəhrəmanların dincəlmək cəhdləri çox çəkmir və onlar bir sıra qəribə hadisələrlə üzləşirlər. Bütün bu müəmmaların kökü ətrafdakı sirli qəsrə gedib çıxır. Qədim divarlar arasından qəfildən dünyasını dəyişmiş Salzanın ifasında ovsunlayıcı ariyalar eşidilməyə başlayır.

«Tajemství hradu v Karpatech» fantastik komediya filmini rejissor Oldrjix Lipski çəkib. Macəra və detektiv elementlərini birləşdirən Çexoslovakiya istehsalı olan bu ekran əsəri 1981-ci ildə nümayiş olunub. Əsas rollarda Vatslav Mareş, İrji Lir, Mila Mıslikova və Yirji Kosek çəkiliblər.